Hai unhas semanas rematou a campaña de rega da Lagoa de Antela e queremos lembrar que detrás de cada campaña hai moito máis ca auga: hai traballo, planificación, esforzo e o compromiso de quen coida da terra cada día e mantén viva a actividade agrícola.
Foi un verán especialmente cálido para o campo galego. Ademais, as chuvias distribuíronse de xeito desigual ao longo do ano na conca Miño-Sil, o que nos lembra a importancia de seguir tomando decisións sobre a auga de rega baseándonos en datos e de avanzar cara a un regadío cada vez máis eficiente, rendible e sostible.
En iRiego sabemos que detrás de cada instalación e de cada sistema de rega hai persoas, explotacións e familias que miran cara ao futuro. Por iso, queremos agradecervos a confianza e o traballo de todos os que facedes posible que o campo siga medrando.
Remata así unha nova campaña ao voso carón. Porque o futuro do regadío constrúese día a día, con tecnoloxía, servizo e proximidade; sempre pegados á terra e ás persoas que a traballan.
Desexámosvos un merecido descanso e que a próxima campaña nos traia novas oportunidades para seguir medrando xuntos.
Carolina Angulo
Directora Xeral de iRiego